Hans-Peter und Horscht -

Zwei Männer die it Welt basse

Deil VI: Diverse Ritdiire

von Benjamin Bächle

"Hans-Peter, ich muen nach Friburg fahre,

möcht' aber min Zaschter spare.

Zwar han ich min Karre gern,

bin demit au scho uf Bern,

doch vodelli, sell isch dür,

d' Frau bruchs s' geld für s' Klopapür!"

 

Horscht, ich war geschtrig im Zoo,

Mensch, Diirli, sel häts dei en Huffe.

Bass uf, mir machet des jetzt so,

dass mir üs e Ritdiir kufe!“

 

„Des heißt kaufe und it kufe,

Hans-Peter, du bisch zviil am suffe!

Über Pferd häma scho diskutiert,

drum bin ich jetzt grad verwirrt.“

 

Jo Pferd, sel isch it dine Sach',

doch gits no viele andere Diirle!

Heiland, isch do drin en Krach.

Bedienung, bring üs no zwei Biire!

D' Problematik isch grad s' Artikuliere,

suscht kann ich des doch 1A,

aber ganz glich; wa du sölltesch brobiere,

wär' anderes Reitgetiir, Hurra!

Wie d' Hannibal uf m Elefant,

oder d' Eegypter uf m Dromedar,

ritisch du wunderbar und elegant,

Herrgott, wär sell it wunderbar?“

 

„Dr Hannibal isch dr vo dr Säg?

Hinterm Weyer bim Kleinbauernwäg?

Dr hät doch gar kein Elefant!

Oder meinsch du sine Dant'?

Die sieht als e weng so us,

doch verdorri, i chum drus!

Ritdiirli sin nix für mich,

nei, sell find' ich widerlich.

Sit ich ufere Katz bin grite,

isch ma s ganz und gar verlitte!

Do bin ich nämlich ane keit,

zu so was bin ich kei zweit mol bereit!

 

Hä jo, ich glaub do häma gsoffe,

s war glaub au erscht vor zwei Däg.

Zunere Diskussion häma üs troffe,

über Transportmittel, mei sell war schräg!

Ich glaub ich han welle nach Friburg fahre,

doch vodelli sel isch dür.

Ich han doch welle Zaschter spare

für mi Sau zur Pedikür!“

 

„Ich glaub, du bisch grad wengle voll,

doch au mir gots langsam z' toll.

Jetzt dürfe ma nu it dr Fade verliire,

drum düen ma mol e Bier probiere!“

 

Im nächste Deil wird die legendäre Diskussion über Transportmittel durch bsoffenes Gelaber unterbroche!