Hans-Peter und Horscht -
Zwei Männer die it Welt basse
Deil I: Dr Isebahn
von Benjamin Bächle
"Hans-Peter, ich muen nach Friburg fahre,
möcht' aber min Zaschter spare.
Zwar han ich min Karre gern,
bin demit au scho uf Bern,
doch vodelli, sell isch dür,
mi Frau bruch s' Geld für d' Manikür!"
"Mensch Horscht, jetzt drink ma zerscht e Bier!
Schieb' kein Stress, die Sach die basst!
Berotsch dich eifach mol mit mir,
d' Lösung, die isch schnell verfasst.
Dr Zug wär doch e Möglichkeit,
doch wer nit isch und au nit kann,
so het ma ahmmed früehner gsait,
schafft bi Boscht und Bundesbahn."
"Broscht erstmol, ach du heäsch recht!
Sel mit dr Bahn isch wenge schlecht.
Die Züg, die chömmet immer z' spot,
trödlet umme, niemad vostoht
selle technische Schwierigkeite,
die soh e Düre kann bereite.
Stoht dr Zug e längere Zit,
säget sie eim meischtens it,
wo genau s denn eigentlich klemmt,
wo genau s denn eigentlich brennt.
Sie düen s jo selber it recht wisse,
denne hät ma doch is Hirn i gschisse!"
"Mensch, Horscht, jetzt trinke ma nomol ein,
s isch erscht s' dritte, nach minere Zählung.
Sel mit dr Bahn isch it so fein,
sel isch doch ä Menschverqüälung!"
"Sel Wort han i no nirgends ghört -
ite, dass mi sel jetzt stört."
"A wa, des Wort, des isch schoh gschit,
doch chömme ma wieder zu dr Bahn.
Au mit de Aschlüss isch s als nit,
mit dem ganze Verspätungswahn!"
Überfüllt sin d' Züg als au
mit Drohtesel und viele Lütt,
im Summer schwitzt ma als wie d' Sau,
grad bi dere Bulle Hitze hütt!"
"Und zu allem Überfluss,
und dann sei mit dem Gschwätz jetzt Schluß,
bruch ma dann au no so Kart
vo sellem gschisse Automat!"
"Früehner kontsch dr Schaffner froge,
doch inzwische isches zum hüle,
hüettzudag musch di selber bloge
- moment, ich muen e Bier nochspüle!
Ganz egal, wie lang ma forscht,
du muesch echt gschtudieret si,
suscht blickt die Automät kein Horscht -
'dschudigung, ich mein it di!"
"Macht nit, ich find' min Name guet,
weiß it, worum ma lache duet.
Automät, so heißt s glaub it,
doch au mi Hirn isch nimme fit!
Also dr Zug, dr könne ma striche
bim Transportmittel vergliche!
Hans-Peter, des wird e lange Nacht,
d' Diskussion isch voll entfacht.
Jetzt bestelle ma nomel e Getränk
… ähh ...sell erleichtert als dr Denk!"
